Zòna A Defénder

Aquestas son las paginas dels ocupants de la ZAD, territòri previst per la construccion d’un novèl aeropòrt a Notre-Dame-des-Landes / Kernitron al Lann (Nòstra Dòna de las Lanas).

La ZAD, pels que la vòlen cambiar, es la Zòna d’amainatjament diferada. Per nosaus, es una Zòna a defénder. Un tròç de campèstre a qualques quilomèstres de Nantas, en Bretanha. Les qu’ac vòlen decidar vòlen que vénguia un aeropòrt internacional.

La sèu idèa es de bastir una plataforma economica «Grand oèst» de talha internacionala qu’anga de Nantas a Sanit-Nazaire / Sant-Nazer (Sant Nasari) e que formariá pas qu’una sola e megalopòli grandassa. Per aquò fèr, cal mestrejar tanplan le cèl coma la mar e la tèrra en remplaçant l’aeropòrt actual de Nantas per un novèl a Nòstra Dòna de las Landas. Mès aquò supausa tanbens d’agrandir le pòrt de Sant Nasari, e de bastir rotas e autorotas novèlas…

Quand venguèrem demorar al lòc previst per l’aeropòrt, voliám mès d’una causa: demorar sus un territòri en luta, çò que permet d’èster pòche de las personas que s’i opausan dempuèi 40 ans e de poder agir pendent las òbras; profitar d’espacis abandonats ande aprénguer a viure ensemble, a cultivar la tèrra, a èster mès autonòmas de caps al sistèma capitalista.

Aquestas paginas presenta votzes del movament d’ocupacion. Votzes puslèu qu’una sola votz: èm un fum de còlhas e de personas ambe idèas comunas mès tanbens ambe plan diferenças.