Zone A Défendre
Tritons crété-e-s contre béton armé

Accueil > Textes > Communiqués et appels du mouvement anti aéroport > Appel à actions au moment des expulsions de la ZAD

Appel à actions au moment des expulsions de la ZAD

mercredi 31 octobre 2012

Toutes les versions de cet article : [Deutsch] [English] [français] [italiano] [òc] [Português]

Aquesta tardor de 2012, jogarem gròs a Nòstra Dama de las Landas. Ja s’a preemptat, demolit ostals, maquilhat las arnacas, declarat le projècte «d’utilitat publica»… La zòna que le Conselh general a extorcat e balhat a Vinci, ja se voida. Ara, òm secuta les que son en loguèr precari, òm prepara cossint botar defòra les darrèrs testuts (ocupants ambe o sense loguèr), cossint expropriar les darrèrs qu’an pas encara vendut. Les que decidan ac vòlen tot plegar per començar a fèr una rota d’accès en 2013. Le «moratòri», que se n’es tant parlat dins la premsa, es pas qu’un promessa que val pas grand causa: demorar per fotre defòra les qu’an pas negociat, tant que les recorses en justiça son pas arribats al cap. En realitat, las pressions contunhan per elis.

En 2009, novèla etapa de la luta: invitar gents de defòra a ocupar les espacis voidats. Novèlis abitants, novèlas fòrças. Mès en cas d’expulsions, cossint van tenir aquelis ligams teishuts autorn de manièras de pensar e manièras de fèr convergentas? Aquesta istòria d’aeropòrt es çò que nos a permetut de nos trobar e de nos afrontar al monde mercantil, als que nos vòlen domdar. Fèr un aeropòrt sus la ZAD es un simbòl de tot çò que volèm pas. Cal fèr quicòm.

La militarizacion concentrarà plusiurs centenas de soldats e policièrs anti-susmauta per expulsar una zòna clavada. Çò que seriá plan per tirar fòrça d’aquò, seriá de crear autras tensions al delà de la ZAD: les atacar ont son pas, ont seràn preses per suspresa.

Cal pas que la repression d’una luta fragilize las autras lutas. Fascatz quicòm en çò vòstre. Èm solidaris. Avèm las madeishas lutas. S’amassar, ocupar un bastiment, una carrèra, pintrar una paret, penjar una banderòla, sabotar, blocar, manifestar… tot es possible per esplandir le combat.

Guèrra als qu’orquèstran la misèra! A nosaus de jogar!