Manifestation de réoccupation le 17 novembre 2012

La manifestacion per tornar ocupar la ZAD se farà le *17 de novembre 2012, per la maitinada*!

Per tornar bastir… contra l’aeropòrt. Responsa a las expulsions.

Fascatz passar la crida! Mobilizatz-vos a partir d’ara.

Nos cal cosinas collectivas, capitèls, musicaires, cabanes prèstas per montar, materials, utisses, tractors per tornar ocupar. Venètz ambe fusta, clavèls, e utisses en man.

Signat: Ocupants de la ZAD e collectius solidaris que tengueràn còp

*****

La luta creish. Tenguèm còp. Las menaças son fòrtas. Tornem ocupar.

*Cesar s’enfanga.*

A partir del 16 d’octòbre: 1800 ha de la ZAD envasits per 1200 policièrs. Atacas contra les ostals e las cabanas: demolicions, tot es netejat, demòra pas res per tornar bastir. Avèm resistat, barricadat, tornat ocupar. Ac avèm tot fèit per empachar las machinas d’ac copar tot. Èm totjorn aquí.

Avèm recebut sosten de pertot. Manifestacions cada jorn a Nantas e endacòm mès, ajuda concrètas, accions contra le PS, Vinci e Cia… Demoram mès determinats que jamès!

Plan ostals son expulsats, tanplan coma cabanas. Mès les abitants demòran, escampilhats dins les bòsques, les camps, les aibres. Ja tornam bastir. Sense parlar dels abitants que son encara considerats coma legals. Tot aquò va durar! Les de la prefectura se vòlen nommar «Cesar». A nosaus de les i provar que la resistença contra l’aeropòrt es irreductibla e que ganharem.

*Tenguèm còp!*

Cridam plan solide a vénguer a la ZAD e a manifestar vòstra solidaritat ont ètz. Mès cridam sustot a *una granda manifestacion per tornar ocupar la ZAD le dissable 17 de novembre de 2012, a partir d’un dels vilatges pròches de la ZAD. *

Aprèps aquestas prumèras expulsions, volèm una mobilizacion bèla ambe totis. Tornarem bastir amassa un lòc dubèrt d’organizacion sus las tèrras menaçadas. Serà un cairefor, un punt de despart per novèlas abitacions, una antena per la resistença a las òbras a venir: aeropòrt, rota… Ja pòden militarizar, arribaràn pas a nos empachar d’i tornar!

*Ayrault, Vinci e Cia, fotetz le camp!*

* *

*PRECISIONS E CAUSAS PRACTICAS*

(…) Cal èstre nombroses e per longtemps. Prevesètz tota la dimenjada, e mai se podètz. Poiretz arribar la vèlha (anonçarem un lòc per campar). Ac cal organizar coma cal, ambe reünions pertot ande ac aprestar plan. Podètz ajudar en balhant qualques sòuses a l’òrdre de

*“Vivre sans aéroport”, *

*La Primaudière** 4*

*4130 Kenitron al Lann (Bretanha)*

*compte n°: 20041 01011 1162852D32 36*

Se podètz ajudar, aquí un contacte: reclaimthezad@riseup.net

Consultatz cada jorn l’estat de la situacion: http://zad.nadir.org/.

*PERQUÉ LUTAM? Sus la resistença a l’aeropòrt e le sèu monde.*

A Nòstra Dòna de las Landas, les que decidan e les marchands de beton vòlen un novèl aeropòrt per satisfèr les sèus sòmis gormands d’expansion economica. Ja fè 40 ans que vòlen innondar de ciment 2000 ha de tèrras agricòlas e d’ostals al nòrd de Nantas: es la ZAD («zòna d’amainatjament diferat» per elis, per nosaus Zòna a defénder).

Mès dempuèi le debut, resistam. Aquesta luta es al crosament de tant de causas qu’avèm en comun: refusar l’alimentacion per perfusion, la societat industriala e le rescalfament climatic, las politica de desvolopament economic e le contròlle del territòri, las metropòlas e la normalizacion de nòstras vidas, la privatizacion de çò comun, le mite de la creishença e l’illusion de la participacion democratica…

Auèi coma gèr, les oposants contunham de lutar: manifestacions, recorses juridics, ligans ambe d’autras lutas, grèvas de la talent, difusions de jornals, peatges gratuits, oposicion als foratges, sabotatges, perturbacion dels estudis d’impacte de bioitòpe e de las cèrcas arqueologicas, ocupacion de burèus e de chantièrs…

Contràriament a çò que volián l’Estat e Vinci, que crompan e demolissen per voidar la ZAD, la vida creish dempuèi tres ans. Plan ostals abandonats son tornats abitar. Cabanes se bastissent pel sòl e dins les aibres. Collectius ocupan las tèrras per i fèr vénguer legumes. Espacis de reüniion, un forn de pan, bilbiotèca, gite an espelit. Mai d’un centenat de gents ocupan la ZAD, sostenguts per nombrosas autras personas del canton e de mai luènh que s’i cròsan. Es tot aquò que vòlen liquidar per poder començar les trabalhs.

Gardam en memòria las victòrias passadas contra les projèctes megalomanes, del nucleari al militari. Coma al Carnet, a Plogoñv o al Larzac: sabèm qu’aquel aeropòrt se pòt empachar. Gaitem de l’autra part dels Alps ont l’oposicion a la construccion de la linha a nauta vitessa Lyon-Turin mobiliza tota una valèa, ont desenas de milièrs de personas empachan les trabalhs. Ací tanbens, tot ensag per cola beton sus la tèrra les i costarà car… ------------------------------

Documents per teledescargar:**

- *Tract d’appel à la manif de réoccupation<https://zad.nadir.org/IMG/pdf/TRACT...> * (PDF – 8.2 Mo) - *Jingle d’appel à la manif de réoccupation (version courte)<https://zad.nadir.org/IMG/mp3/jingl...> * (MP3 – 2.1 Mo) - *Jingle d’appel à la manif de réoccupation (version longue)<https://zad.nadir.org/IMG/mp3/jingl...> * (MP3 – 3.9 Mo) - *Lecture audio du début de l’appel<https://zad.nadir.org/IMG/mp3/appel...> * (MP3 – 9.4 Mo) - *Affiche d’appel à la manif de réoccupation<https://zad.nadir.org/IMG/pdf/affic...> * (PDF – 4.5 Mo)